11. Filadelfiya rollu və qızardılmış, yaxud da tempura halını rahatlıqla 50-60 dənə yeyə bilərəm, amma digər suşi növlərinin ağız dadıma çox yad olduğunu düşünürəm. Belə baxanda, Filadelfiya rollun da ənənəvi yapon suşisi ilə sadəcə struktur oxşarlığı var. Ötən əsrdə ABŞ'da yaranıb. Necə bir hissdir bu dediyim: tibbdə olur, bədən ona nəql edilmiş orqanı qəbul etmir. Məndə də klassik suşilərin dadı eyni duyğunu yaradır. Daim sanki nəsə çatmır, nəsə artıqdır, nəsə az bişib, nəsə çox bişib, nəsə çox yumşaqdır, nəsə çox duzludur, nəsə çox çiydir, nəsə çox dadsızdır.